د عامه خدمتونو د يو دريد شاپ




افغانستان د آسان نړیوالې ټولنې غړیتوب ترلاسه کړ


د آسان ټولنې له غړیتوب سره به افغانستان وکولای شي د ټولنې د غړو هېوادونو له تجربو څخه زده کړه وکړي او خپل هېواد ته یې انتقال کړي. 
د روان کال د چنګاښ میاشتې په شپږمه نیټه د اذربایجان په پلازمینه باکو کې د ملګرو ملتونو د عامه خدمتونو اړوند جوړه شوې غونډې(UNPSF) کې دا هوکړه لاسلیک شوه. له آفغانستان څخه د آسان خدمت ادارې د رئیس ښاغلي محمد نعیم څمکني په دې غونډه کې کډون کړی وه.
د دې هوکړې له لاسلیک کېدو سره به هغه تجربې چې په افغانستان کې د پلي کېدو وړ وي را کاپي او زمینې برابرولو وروسته به پلې شي، چې د عامه خدمتونو په بهیر کې به جوت او هر اړخیز بدلونونه رامنځ ته کړي. 
افغانستان، ترکیه، متحده عرب امارت، اندونیزیا، مونته نګرو، مراکش، یوګاندا او اذربایجان هېوادونو د دې هوکړه لیک غړي هېوادونه دي. د هوکړه لیک له مخې به وخت په وخت دا هېوادونه خپلې تجربې، نظریې او نوښتونه یو له بل سره شریکوي ترڅو وګړو ته د داسې خدمتونو د وړاندې کولو زمینه برابره کړي چې د ټولنې ټولې وګړي عامه خدمتونو ( ساده شوی او برېښنايي شوی خدمتونو ) ته په آسانه او ټولیز ډول لاسرسی ولري. 

  • آسان پاسپورټ

    آسان خدمت ادارې د پاسپورټ د ترلاسه کولو پېچلې او وخت نیوونکې پروسې ساده او لنډې کړې دي. هېوادوال اوس کولای شي په خورا کم وخت کې په آنلاین ډول پاسپورټ ترلاسه کړي.

  • د ویزې تمدید

    د آسان ویزې خدمتونه د هغو بهرنیو وګړو لپاره دي، چې په افغانستان کې د شتون د مودې غځولو اړتیا لري. د آسان ویزې خدمتونه د ۲۰۱۷ د جنورۍ په ۱۵مه پېل شول او دا مهال جریان لري.

  • آسان جواز

    آسان جواز د ملي او نړیوالو اتباعو لپاره کار کوي چې غواړي په افغانستان کې کار وکړي او د کار اجازه لیک ته اړتیا ولري. دا آنلاین خدمت به د ۲۰۱۷ کال د فبروري په ۱۵ پیل شي.

  • د موبایل له لاري د معاشونو ورکړه

    MSP د موبایل له لارې د معاشونو د ورکړې سیسټم دی، چې د دولتي کارکوونکو د هوساینې په پار رامنځته شوی. دغه سیسټم د نورو خوبیو تر څنګ ټول دولتي بنسټونه له یو بل سره نښلوي